General Santos City — Mitatak sa kasaysayan sa usa ka Barangay sa dakbayan sa Gensan kung asa tibuok partido ang midaug, gikan sa Barangay Kapitan, mga kagawad ngadto na sa mga kandidato sa Sangguniang kabataan.
Kini mao ang Barangay Labangal kung asa ang Kapitan niini bayaw mismo ni Senador Manny Pacman Pacquiao nga si Kaitan Lorelie Pacquiao. Sa interview sa DXMD RMN Gensan kaniya, iyahang gibutyag nga sya nasorpresa ug dako nga wala gyuy bisan usa nga nakalusot sa iyahang mga kontra.
Sumala niininga sa kasaysayan sa eleksyon sa Barangay Labangal, unang higayon kining nahitabo nga nahimong landslide ang resulta sa eleksyon. Nagpaabot na lamang sa iyahang dakong pagsalamat si Kapitan Pacquiao ngadto sa tanang mga katawhan nga padayong misalig sa ilahang pagpanerbisyo.
Si Kapitan Lorelie Pacquiao mao ang asawa sa usa sa mga igsuon ni Senador Manny Pacquiao nga si City Councilor Bobby Pacquiaoā¦
