NEGROS OCCIDENTAL – Ginapa-preparar sang Department of Agriculture ang Negros Occidental sa posible daku nga epekto nga igadulot sang “dry spell” bangud sang El Niño.
Suno kay Agriculture Secretary Emmanuel Piñol nga amat amat na nga naga-igo ang dry spell sa Negros Occidental gani iya ginpasiguro nga maga-allocate sang pundo ang DA para sa cloudseeding sa probinsya.
Ginpahayag ni Piñol nga apesar magahaganhagan ang El Nino sa end of April ukon bulan sang Mayo sa iban nga lugar sa Pilipinas apang diri sa Negros Occidental lakip na sa Mindoro kag Palawan, ang dry spell magalawig tubtub pa sa Nobiembre.
Sa pihak nga bahin, may yara na sang nadihon nga El Niño mitigation measures sang probinsya.
Ini ang ginpasiguro ni Negros Occidental Gov. Alfredo Marañon Jr. kag nagsiling nga naka request naman ang probinsya sa Department of Agriculture para sa cloudseeding./ Photo courtesy of Atty. Japhet Masculino / OPA
