Pagadian City – Migahin og pundo ang local nga kagamhanan sa syudad aron maoy ipremyo sa mga kalihukan nga gihan-ay alang sa umaabot nga ika-51 nga kasumaran sa Araw ng Pagadian.
Dunay kompetisyon nga pagasalmutan sa tanang Barangay sa syudad nga nagtangag sa dakong kantidad isip premyo.
Gi-awhag ni Pagadian City Mayor Sammy Co, ang 54 ka barangay sa syudad nga mosalmot sa kompetisyon nga pahinluay sa ilang mga barangay.
Ang mananaog makadawat sa 100,000, ug ang ikaduhang dapit 75,000 samtang 50,000 sa ikatulo nga pwesto hinoon gipasabot sa mayor lahi ang kategoriya sa Urban ug Rural Bangays..
Mohimo og inspeksyon ang inspectorate team sa city government aron sutaon kun asa nga Barangay ang pinakahinlo.
Ning panahona kamulo na ang mga opesyal, empleyado, mga tanod ug residente sa barangay sa paghinlo sa ilang lugar.
