General Santos City–Naglaum karon si Police Major Rexor Canoy ang tigpamaba sa General Santos City Police Office nga walay mag positibo sa 72 ka mga Drug Enforcement Unit personel nga sakop sa Gensan City Police Office nga magpositibo sa gipahigayon nga surprise drug test nga gipahigayon niadtong nakalabayng simana.
Sumala pa ni Major Canoy nga sa karon wala pa nila nadawat ang opisyal nga resulta sa nasangpit nga drug test apan masaligon kini nga walay magpositibo sa mga nahisgutan.
Nagtuo usab nkini nga gisala pag-ayo sa mga Station Commander ug city headquarters ang ilang gibutang nga mga personahe sa Drug Enforcement Unit aron nga masiguro nga limpyu ang ilahang mga operasyon.
Kung aduna may magpositibo gilayon kini nga mag-atubang ug administrative case ug ma-relieve sa ilahang trabaho apan gipaklaro ni Canoy nga ug magpositive sa una nga test aduna pay pagahimuong confirmatory test kalabotan niini. (Dave Silagan)
