Mapasalamaton ug dako ang mga suking tigpaminaw sa RMN Gensan ug iFM human silang naka-avail sa tanang libreng serbisyo nga gihatag atol sa ika 65 ka tuig nga Anibersaryo human natukod ang Radio Mindanao Network. Wala gyud panumbalinga sa mga suking tigpaminaw ang labihang kadaghan sa tawo, ang ilaha lamang nga makaangkon sa libreng serbisyo ug kini dako matud pang tabang kanila.
Nasayran nga unang gidugok ang Mission 2017 sa RMN Gensan ug IFM nga gipahigayon sa Gaisano Mall of Gensan kung asa ul-an sa tres-mil ang natabangan. Gikan sa mga bata, buntis, hamtong ngadto na sa mga lolo ug lola apil nga midagsa sa Mission 2017, Handang Tumulong Sa’yo, kung asa may Libreng Checkup,Libreng Tambal, Libreng Gupit, Manicure, Pedicure, Massage ug Feeding.
Dako usab ang pagpasalamat sa RMN Gensan pinaage kang Station Manager Inah Daven, ug bisan na si iFM Gensan station manager Armand Enriquez, ngadto sa tanang sponsors, partners, volunteers sa Mission 2017, ingon man sa walay puas nga suporta sa management sa Radio Mindanao Network alang sa paghatag sa tinuuray nga serbisyo Publiko.
Lauman nga ang susamang aktibidad, magpadayon sa umaabot pang mga katuigan ug gipaniguro karon pa lamang daan ang mas nindot, tinuoray ug han-ay nga paghatud ug serbisyo sa mga katawhan.
