Tigpayuhot sa iligal nga druga sa Brgy. Cugman, nakuhaan sa kapin 40K nga balor sa shabu!

43

Nakuhaan sa kapin 40 mil pesos nga balor sa shabu ang usa ka lalaki nga tigpayuhot sa iligal nga druga sa Brgy. Cugman ning syudad sa Cagayan de Oro.  Kini atol sa anti-illegal drug buy bust operation nga gilusad sa mga operatiba sa Police Station 10 Cugman kagahapon sa mga alas 3:00 ang takna sa hapon diha sa Zone 1 sa maong lugar.

Naila ang suspek nga 41 anyos nga si Joel Ybañes alyas Panyong, minyo nga walay trabaho ug residenti sa maong lugar kung diin napalitan kini sa usa ka sachet sa gituhoang shabu balor 1000 pesos nga maoy hinungdan sa iyang pagka-aresto.

Nakuha pa gikan sa posisyon ni-ini ang laing usa ka dako nga sachet sa gituhoang shabu nga gibana-banang motimbang sa 6 gramos nga dunay street market value nga moabot ngadto sa 40,800 pesos.  Lakip nga nakuha gikan sa suspek ang usa ka android cellular phone nga maoy gituhoang ginagamit ni-ini sa iligal nga transaction ug ang 500 pesos bill nga ginamit isip buy bust money.


Detinado na ang maong suspek sa Cugman Police mini custodial facility samtang giandam na ang kasong pagsupak sa RA 9165 nga ipasaka ngadto sa korte batok kaniya.

Kasama mo sa PS10 Cugman, RadyoMaN Andy Coco, DXCC Tatak RMN!

Facebook Comments