Malampusong nasikop sa P-DEA Reg. 10 ug National Bureau of Investigation 10 kagahapon sa hapon ang tigpayuhot sa ilegal nga druga sa Zone-5, Barra, Opol, Mis. Or. nga nailang si Anselmo Pandan.
Kini ang gibutyag ni Kag. Emmanuel Bersabal, sa Barra, Opol kinsa miingon nga dugay na nilang nahibaw-an ang ilegal nga kalihokan ni Pandan, gani daghan na ang buot mo-operate niini aron kini masikop apan dili lamang gakasapon.
Tuod man, kagahapong adlawa naaktohan gayod ang suspek sa P-DEA 10 ug NBI-10 human kini napalitan og usa ka sachet sa shabu, atol sa ilang gihimong buy bust operation.
Gani gibutyag ni Kag. Bersabal nga nadakpan na usab ang mga paryenti ni Pandan kinsa nalambigit usab sa pagbaligya sa ilegal nga druga.
Nasayran nga ang suspek driver sa ambulansya sa lokal nga kagamhanan sa Opol, Misamis Oriental.
By; Radyoman Aiza Enloran and Ellah Baculio
