EB MAGALONA – Ipalab-ot ni Lalaine Bornales sang Barangay 3 sa Food and Drug Administration (FDA) ang iya nadiskubrehan sa botelya sang Mountain Dew sa diin iya ini nakit-an nga may unod ini nga nagaka-agnas nga tiki.
Nadiskubrehan nya ini sang may nag-order sang Mountain Dew kag sang iya ginlantaw may nagalangoy langoy nga tiki nga utod na ang ikog.
Nadudla na siya bilang tag-iya sang tiyangge bangod sang nagligad may nag-order man sang Mountain Dew kag sang naabrihan na may ara pa sang utod nga lansang nga dos.
Ang iya polisiya subong, antis nya abrihan ang mga softdrinks ginlantaw nya gid kon bala may ara sang nagalutaw ukon wala.
Ang Mountain Dew ang ara sa iya paghinakop ‘for safekeeping purposes’ kag wala gid gin-abrihan para madula ang pagduda sang kompaniya nga nagahimo lang sya istorya.
