Sa kasamtangan, wala pay nahimong problema sa pagsunod sa mga naka schedule nga aktibidad alang sa nagkaduol nga Sangguniang Kabataan ug Barangay Elections.
Kini ang gibutyag ni Commission on Elections Spokesperson Director James Jimenez.
Matud ni Jimenez, nagpadayon ang distribusyon sa mga election paraphernalia, sama sa balota, kung asa giuna nilang gihatagan ang mga pinakalayong lugar, ug ipaulahi ang NCR.
Kagahapon, nipirma sa Joint Letter Directive ang AFP, PNP ug COMELEC alang sa mas epektibong pagpatuman sa seguridad karong nagkaduol na ang Sangguniang Kabataan ug Barangay Election.
Gisapinal na usab ang mga kategoriya nga motumbok kung ang usa ka lugar angay nga ilakip sa ‘election hotspot’.
Matud ni Jimenez nga bisan dunay mga nabalita na nga napatay nga mga mokandidato unta karong Mayo, dili gihapon kini kompirmadong election related incidents samtang walay impormasyon gikan sa PNP.
Alayon niini, gihulat na lamang matud pa nila ang listahan sa mga lugar nga lakip sa election hotspots.
Gibutyag ni Jimenez, ang maong joint letter directive, ug ang paghimo sa mas specific nga hotspot categorization, gihimo isip pagpangamdam sa seguridad sa mga sunod pang eleksyon.
