Hingpit nang gipatuman ang Department Order gikan sa Department of Transportation (DOTr) nga nagsiparar sa Land Transportation Office (LTO) ug Land Transportation Franchising and Regulatory Board (LTFRB).
Si Ma. Cristina Cassion maoy natudlong OIC Regional Director sa LTFRB Caraga samtang si Engr. Nordy Plaza mao usab ang OIC Regional Director sa LTO – ug direkta sila nga moreport ngadto kang DOTr Sec. Arthur Tugade.
Pinaagi niini mas mahimung epektibo ug episyenti ang trabaho sa duha ka mga buhatan nga nakatutuk sa managlahi nga kaakuhan.
Ang LTO maoy gitahasan sa Registration ug Licensing samtang ang LTFRB ang nakatutuk usab sa regulation sa public transport.
Sa iyang paglingkod isip OIC Regional Director sa LTFRB, gibutyag ni Cassion nga magpadayon ang pagpatuman sa programang PUV Modernization uban ang pagpursigi nga maka-abri ug dugang mga rota.
Gilantaw nga karong buwan sa Septembre hayan nga magsugod na ang operasyon sa Solar PUV Unit ug possible usab nga mosulod ang serbisyo sa Taxi dinhi sa dakbayan sa Butuan.
Ang pamahayag ni Ma. Cristina Cassion maoy natudlong OIC Regional Director sa LTFRB Caraga sa interview sa RMN DXBC Butuan.
[image: tina.jpg]
