Ginhold-up ang isa ka tindahan sa Purok San Francisco, Bo. 4, Koronadal City, South Cotabato, alas 6:30 kagab-i, Agosto 5, 2021.
Base sa imbestigasyon ang biktima nga si Annalou Orate Pascua, 40 y/o, single, optical attendant kag residente sang nasambit nga lugar ang yara sa sulod sang tindahan sang iya nga utod nga si April Pascua sang tatlo ka mga lalaki sakay sa BAJA motorsiklo ang nagpondo sa atubang sang tindahan kag ang isa ka backrider ang nagbakal sang sigarilyo kag softdrink.
Samtang, nagaasikaso sa nasambit nga kustomer, ginkakibot na lamang sang biktima nga ang isa pa ka backrider ang nagkuha sa income sang tindahan nga yara sa P3,000.00 kag isa ka unit sang OPPO A92 cellular phone.
Gilayon naman nga nagpalagyo ang suspek, matapos nga makuha ang kwarta.
Sa subong nagapadayon ang imbestigasyon sang Koronadal CPS sa nasambit nga insidente.
