BACOLOD CITY – Cash collection kag cellphone sang empleyado nakuha sang mga suspek sa natabo nga hold-up sa isa ka convenience store sini gid lamang nga aga sa Helvetia Heights, Brgy. Villamonte, Bacolod City.
Ginsulod sang isa ka suspek ang East Haven Convenience Store nga nahamtang sa Burne St., Helvetia Heights, Brgy. Villamonte pasado las 9 kaina sang aga.
Suno sa imbestigasyon, nagsulod ang isa ka wala makilala nga lalaki sa balaligyaan kag gintayaan sang kutsilyo ang nagabantay sang store nga nakilala nga Rey Joseph Arquisola, 28 anyos, single.
Nakuha sang suspek ang cash collection sang store nga nagdangat sa kapin 2,900 kag ang cellphone sang biktima nga nagabalor 7 mil pesos.
Pahayag sang biktima nga gilayon nga nagpalagyo ang suspek sakay sa motorsiklo nga ginadala naman sang isa pa ka lalaki nga amo ang naghulat sa iya sa gwa./dyHB BACOLOD
