Tindahang makalapas sa EO no. 50 sirad-an

22

Davao City – Gisugdan na sa Vices Regulation Unit (VRU) ang hugot nga surveillance sa mga business establishments dinhi sa dakbayan sa Davao human giwagtang ang 24-hour liquor ban.

Sa interbyu sa DXDC RMN Davao kang Dr. Ashley Lopez, Vices Regulation Unit OIC , matud niya dili magpanuko ang lokal nga panggamhanan sa pagpasira sa mga tindahang makalapas sa Executive No. 50.

“You have to know the law and secondly you have to abide by the law. Kung naa moy mga violations it is clearly stated that first offense, single offense sa atoang Executive No. 50 or EO 50-A muatubang gyod mo og possible closure or revocation of your business permit,” gikanayon ni Lopez.

Subay sa guidelines, gitataw ang servings sa 2 ka botelya o can lang sa Beer ang gitugot sa matag customer ug dili kini mosobra sa 400ml, Cocktail (mixed drink): two (2) shots/orders apan di mosobra sa 200ml, Liquor (hard drink) ug uban pang ilimnong makahubog: two (2) shots/order lang ang itugot nga dili mosobra 100ml.

Gitugutan ang mga sari-sari store nga mamaligya’g mga beer ug alcoholic drinks apan dili pweding mag-inom sa maong lugar aron malikayan ang mass gathering. Walay limit kung pilay paliton nga ilimnon base sa Sec. 9 sa EO para sa take-home, take-out ug home delivery.

RadyoMan Aimee Guinita

Facebook Comments