Nakadungog na ba mo anang hegala ninyo nga mo-ingon og “Pass sa ko sa laag brad, tingbitz man gud” o ba kaha “Paeta uy, layo pang sweldo tingbitz pa.”? Ako mismo nakasuway na ana mga besh. Sa akoang pagsabot, ang “tingbitz” usa ka-pulong o slang nga nagpasabot nga tingbitay na o tinghugtanay sa bakos. Pugong og maayo sa paggasto tungod kay dyotay nalang ang kwarta nga pwedeng magamit o magasto. Sa atong unang episode sa Tingbitz 101, atong hisgutan kung unsay mga signs nga tingbitz days na.
1. Magtinihik na ka. Kanang bisag gamay nga gasto kay mu-alma na dayon ka.
2. Bisag sinsilyo kay imo nang daginoton. Kuoton ang tanang bulsa basig naay mga magamit nga coins.
3. Di na mulaag. Balay na lang para iwas gasto.
Kung mo-apply sa imo ang isa sa mga signs besh, mabalaka na ka! Kay membro naka sa mga biktima sa tingbitz days. Peru di maguol kay sa sunod nga episode sa atong Tingbitz 101 atoang e-discuss unsaon ni paglikay. Matag 14 ug 29 sa buwan ang mga suwat kabahin ani busa atangi karung July 14, 2017. For you suggestions and ideas kindly send Dj Rob Rider a message through facebook.com/robrider.ifm. Thanks a lot!
