Kasama sa sementeryo kita managkot
Manghinlo sa pantyon ug sa palibot
Haskang kalabong na sa mga sagbot
Hala pungko ug kalingawi sa pag-ibot.
Duawon pud nato sila mga kasama
Kalag kalag sa usa ka tuig kausa ra
Sigurado sila kanimo gimingaw na
Busa ang pagduaw ayaw gayud pakyasa.
Ang kinaraan adunay mga panultihon
Kun di ka kaduaw ikaw ilang bisitahon
Daghan pamaagi aron ikaw mahinumdom
Hinaot ugma sa gabie dili ka nila pukawon.
Niining adlaw sa minatay kita mamalandong
Paghinumdom sa ilang kinaiyang ligdong
I-ampo aron ang kalag sa langit mupadulong
Sa kalibutan di na magmulto ug magpabadlong.
RadyoMan Erin Lumosbog
Facebook Comments
