NEGROS OCCIDENTAL – Padayon karon nga ginapatuman ang house to house nga immunization drive sang Provincial Health Office (PHO) sa nagkalain lain nga bahin sang Negros Occidental particular sa ciudad sang Kabankalan kon diin may apat na ka mga pumuluyo ang gina suspetsuhan nga gin-igo sang measles ukon tipdas.
Suno kay Provincial Health Officer Dr. Ernell Tumimbang nga ang performance subong sang measles immunization sa probinsya ang yara na sa 69 porsiento kag dapat sini nga maigo ang target sang Department of Health – DOH nga 95 percent.
Ginpahayag ni Tumimbang nga pabakuron pa sang PHO ang ila immunization drive ilabi na sa mga lugar sa Negros nga may manubo nga performance sa pagpatigayon sang immunization.
Sining karon lang, ang DOH nagdeklarar sang measles outbreak sa Mabinay, Bacong, San Jose, Santa Catalina, Siaton kag Valencia subong man sa Dumaguete City, sa Negros Oriental.
Samtang, ginsiling ni Provincial Health Officer Dr. Tumimbang nga ang Kabankalan City ang isa sa mga lugar sa Negros Occidental nga may mataas nga performance sa measles vaccination.
Apisar sina, apat ang narecord sa Barangay Camugao nga may tipdas, Kabankalan City sa diin ang 38 anyos nalang ang nabilin nga ara sa Lorenzo Zayco Memorial District Hospital. /PHO photo
