Ang pagtudlo maoy epektibong ehemplo alang sa pagpaambit sa mga paningkamut ug direksyon aron makab-ot ang mga gitinguha sa kinabuhi sa usa ka tawo. Sumala ni Department of Education (DEPED-XI) Spokersperson Jenelito “Dodong” Atillo, usa ka epektibong mekanismo aron mopukaw sa mga estudyante nga maningkamut tungod kay ang magtutudlo maoy ehemplo sa mga paningkamut aron maangkon sa tawo ang iyang mga gustong maabot. Matud ni Atillo, ang titser maoy salamin sa negatibo ug positibo nga hinimoan.
Apan gipasabot usab sa tigpamaba sa DEPED-XI, luyo sa nagkadaiyang relihiyon usa ra gihapon ang tumong – ang Ginoo, tungod kay dili makahimo ang tawo kung walay Diyos pinaagi sa pagsalig, pagtoo ug pagrespeto sa labing makagagahum. Matud niya kini nagtumong usab sa paningkamut sa tawo tungod sa iyang pamilya.
Samtang giklaro usab ni Atillo, ang espirituhanong aspeto sa kinabuhi sa tawo maoy dako kaayong giya sa kinabuhi aron makab-ot niya ang iyang mga gitinguha tungod kay kung wala kini o wala si Kristo sa kinabuhi sa tawo dili gihapon magmalampuson.
Gihangyo usab ni Atillo ang uban nga kanunay mosalig sa Ginoo tungod kay siya ang mogiya alang sa maayong padulngan. Gisulti ni Atillo kanunay kitang mosalig ug motoo sa Diyos dili lang ning paghinumdom sa Semana Santa.
RadyoMaN Bernard Pantallon
