CADIZ CITY, NEGROS OCCIDENTAL – Padayon karon nga ginahibalo sang pulis ang motibo kon ngaa gintiro sang isa ka tiyo ang iya hinablos kag ang iya bayaw antes sang iya pagtiro man sang iya kaugalingon.
Ang hinablos nga biktima nga napatay nakilala kay Jebbie Calida, 14 anyos ang edad samtang nasamaran naman ang bayaw nga ginkilala kay Sally Calidad, 50 anyos ang edad.
Ginkilala naman ang suspek nga si Joemarie Calida, 49 anyos ang edad lunsay pumuluyo sang Hacienda, San Isidro, Brgy. Banquerohan, Cadiz City.
Suno sa pagpangusisa sang Cadiz City Police Station, ang insidente natabo may mga las syete kahapon sang hapon sa balay man lang mismo sang mga biktima.
Ginpahayag nga una gintiro ni Jomarie si Sally nga naigo sa iya wala nga abaga kag ginsunod tiro ang iya hinablos nga si Jebbie nga naigo sa ulo kag amo ang gintunaan sang iya kamatayon.
Matapos sini, gintiro man ni Joemarie ang iya kagaulingon kag naigo ini sa ulo nga nagresulta sang iya kamatayon.
Bangud sini, natingala subong ang himata sang suspek bangud ang ila pagkilala sa iya amo nga isa ini ka maatipanon nga tawo kag amo pa gani ang nagabulig sa iya mga hinablos bangud isa ini ka laon./dyHB BACOLOD
