Patay ang tiyo matapos aksidente nga natiruhan sang BPAT nga tuyo mag patay sa iya sini nga hinablos hapon sang Abril 6 sa Barangay Caningay banwa sang Candoni.
Suno kay Police Captain Ronald Santillan, hepe sang Candoni PNP sa interview sang DYHB, may dala nga armas luthang nga kalibre 38 nga revolver kag binangon ang napatay nga ginkilala kay Claudio Navarro sang nasambit nga lugar sang iya ginkadtuan ang hinablos nga si Anthony Lopez samtang nagakutkot sang bubon kag gin kumprunta kag nagpalupok sang armas sa rasun nga nagadumot ini sa hinablos bangud sang nagligad nga tinu-ig may natabo nga insidente kag ginlabo siya ni Anthony.
Bangud sa amo nga hitabo, gintambagan naman ini sang isa pa ka hinablos nga si Raymart Lopez, apang wala nagpamati ang tiyo kag iya pa gintiro si Raymart nga naigo naman sa tuo nga hita.
Dugang pa ni Santillan, natabuan naman sa eksena sang insidente ang isa ka myimbro sang Barangay Peacekeeping Action Team (BPAT) nga ginkilala kay Susimo Lopez nga amo naman ang nagbulig tambag apang gin labo pa ini sang biktima, maswerte naman nga wala ma-igo kag iya gin agaw ang armas luthang ni Navarro, sa ila nga pag agaway aksidente nga naglupok ang armas kag nag-igo ini sa li-og lapos sa ulo ni Navarro nga gintunaan sang iya kamatayon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
