CADIZ CITY – Patay ang tiyo matapos gintiro kag ginlabo sang iya kaugalingon nga hinablos pasado alas-11 kahapon sang gab-i sa Sitio Macasayang, Brgy. Mabini, syudad sang Cadiz.
Ang biktima amo si Bagaman, 47 anyos, residente man sang amo nga lugar.
Samtang ang suspek ang na-kilala naman nga si Ruel Tundag, 36 anyos.
Base sa imbestigasyon sang Cadiz PNP, nagma-oy naman ang tiyo sa diin iya gin-harass ang utod nga babayi ukon ang iloy sang suspek.
Gin-buligan naman sang suspek ang iya nga iloy kag gintiro ang iya tiyo sang apat ka beses gamit ang kalibre .38 nga pistola.
Magluwas sa tiro, gin-labo pa sang suspek ang biktima sa ulo sang maka-duwa ka beses nga gintuna-an naman sang iya gilayon nga kamatayon.
Narecover sang kapulisan ang ang armas nga gin-gamit sa pagpatay sang tiyo kag apat empty shells sang caliber 38 kag isa ka binangon.
