Gipusil patay sa wala mailang suspek ang kanhi tokhang surrenderee mga ala 1:30 karong hapon sa Barangay Natubo, Jasaan, Misamis Oriental.
Kini ang gikumpirma ni Police Chief Insp. Rogelio Labor, Hepe sa Jasaan Municipal Police Station sa interview sa dxCC-RMN Cagayan de Oro.
Matud ni Chief Insp. Labor nga ang biktima mao ang 53 anyos nga si Roger Lacre, ulitawo ug residente sa nasangpit nga lugar.
Gipusil sa ulo ang biktima gamit ang .45 armas.
Gibutyag ni Labor nga nailang gapamaligya og druga si Lacre nga dugay na usab nilang gisubaybayan human nabutang sa ilang drug watchlist.
Gidugang sa Hepe nga ang biktima nagsilbi usab nga fixer sa mga kaso nga giatubang sa mga dunay warrant of arrest, suspek sa tulis, kawat ug uban pa sa ilang lugar.
Facebook Comments
