Tapaz, Capiz – Patay ang isa ka tomboy matapos ginbuno sang makapila ka beses sang iya kaugalingon nga magulang sa Barangay Wright, Tapaz, Capiz, alas 7:30 kagab-i.
Ginkilala ang biktima nga si Rina Chiva, 35-anyos, samtang ang suspek nga magulang ginkilala kay Rufino Chiva, 51-anyos lunsay residente sang nasambit man nga barangay.
Base sa imbestigasyon sang Tapaz PNP, hubog ang biktima sang nagluntad ang pagbina-isay sa tunga sang mag-utod matapos ginbadlong sang magulang ang nagamaoy nga manghod.
Wala nagpati ang biktima nga ginka-akig sang suspek rasun nga ginbuno ni Rufino sang makapila ka beses si Rina gamit ang 13-pulgadas nga kutsilyo. Posible nga napuno na ang magulang bangud masami nga nagatuga sang gamo ang manghod sa ti-on nga makainom.
Nag-angkon sang 42 ka mga pilas sa lawas ang biktima nga gindeklarar dead on arrival sa Tapaz District Hospital. Gilayon naman nga nadakpan ang suspek kag yara na sa kustodiya sang Tapaz PNP.
*(photo from web)*
