BACOLOD CITY – Nagahilibion nga nagpangayo sang pasaylo ang babayi sa iya ka live-in nga tomboy matapos nga iya ini ginhandus sang kutsilyo bangud sang pagpangimon.
Nag-angkon ang pilas sa iya ulo ang tomboy nga nakilala kay Carmela Alfonso, 24 anyos ang edad, isa ka security guard matapos nga ini siya ang ginhandus sang buno sang iya ka live-in nga babayi kaina sang kaagahon sa Purok San Roque, Brgy. Tangub diri sa ciudad sang Bacolod.
Suno sa panaysayon sang “girl” nga nagapangimon ang iya live-in sa iya ex-boyfriend bisan pa nga wala naman gani ini sila sang komunikasyon.
Bangud sini, suno sa “girl” wala na siya nakapugong pa sang iya kaugot kag iya gid nga nahandus buno ang tomboy kag ini ang naigo sa ulo.
Matapos ang insidente, nahimasmasan ang babayi gani ini ang nagahilibion nga nagpangayo sang pasaylo samtang nga naka detain sa custodial facility sang Police Station 8.
Tags: Visayas, Bacolod, Tomboy, stabbing, live-in,
