Gitingkagul na karon sa prisuhan ang gikonsiderang Top 1 Most Wanted Person sa Bukidnon sa kasong rape kon pagpanlugos nga ang kinsa nadakpan sa gilusad nga operasyon sa mga kapulisan pasado alas 11:10 sa buntag kagahapon didto sa Purok-1, Barangay Maambong, Libona, Bukidnon.
Giila ang maong wanted nga si Jayson Jamisola, alyas “Tatang”, 21 anyos, ulitawo, laborer, ug residente sa naasoy nga lugar.
Si Jamisola ang gipasakaan sa warrant of arrest sa kasong rape kon pagpanlugos nga nakadokit ilawom sa Criminal Case no. 22-06-7793 nga gi-issue ni Jeanne Marie A Abarrientos, Presiding Judge sa Regional Trial Court, 10th Judicial Region, Branch 11, Manolo Fortich-Libona, Bukidnon, pinitsahan Hunyo 7, 2022.
Anaa na sa kustodiya sa Libona Municipal Police Station ang suspetsado alang sa tokmang disposasyon.
Facebook Comments
