Walay girekomendang piyansa sa gikonsiderang Top 1 sa listahan sa kapulisan sa dakbayan sa Malaybalay sa kasong Rape o Pagpanlugos ang kinsa nasikop atol sa gipahigayong operasyon adtong milabayng Sabado sa may alas 6:58 sa buntag didto sa Zone 5, Brgy. 11, Malaybalay City, Bukidnon.
Giila ang suspetsadong nasikop nga si Fortunato Yunting, 65 anyos, minyo ug mulopyo sa Purok 23, Casisang, Malaybalay City ang kinsa gi-issuehan sa Warrant of Arrest sa kasong Rape nga gipagawas ni Hon. Ma. Theresa Aban-Camannong, Presiding Judge sa Regional Trial Court, 10th Judicial Region, Branch 9, Malaybalay City pinitsahan May 22, 2020.
Sa pagkakaron, gibalhog na ang suspetsado sa Malaybalay City Police Station alang sa tokmang disposasyon.
Sa pikas nga bahin, Mapasalamaton si PCOL Jun Mark J. Lagare, Director sa Provincial Police Office alang sa walay puas nga kampanya sa mga kapulisan batok sa kriminalidad ug mipasalig nga padayon ilang pagpaningkamot nga mapupo ang kriminalidad dili sa dakbayan sa Malaybalay apan sa tibook probinsya sa Bukidnon.
