Nasikop sa gipahigayong Manhunt Charlie Operation sa mga kapulisan ang gikonsiderang Top 10 Most Wanted Person sa lungsod sa Lantapan, Bukidnon sa kasong Rape adtong milabayng Sabado, didto sa Sitio New Ilocos, Brgy. Dalwangan, Malaybalay City, Bukidnon.
Giila kining nasikop nga si John Anthony Besahan, 21, ulitawo ug mulopyo sa P-1, Brgy. Capitan Juan, Lantapan, Bukidnon nga adunay Warrant of Arrest sa kasong Rape nga gi-isyu ni Hon. Wilfredo G. Bibera Jr., Presiding Judge of RTC, 10th Judicial Region, Branch 46, Malaybalay City, Bukidnon, pinitsahan Pebrero 8, 2021 nga walay girekomendang piyansa alang sa temporaryong kagawasan.
Sa pagkakaron, gibalhog na sa Lantapan Municipal Police Station ang suspetsado alang sa tokmang disposasyon.
Sa laing bahin, mapasalamaton si Bukidnon Provincial Police office Director PCOL. Jun Mark J. Lagare sa hiniusang pwersa sa Lantapan Municipal Police Station nga gipanguluhan ni PMAJ. Jerry S. Paronia, Chief of Police, inubanan sa 1st Bukidnon Police Mobile Force Company (PMFC) alang sa pagkasikop sa suspetsado ug sa makanunayong serbisyo sa katawhan.
