Salug-Ang hini-usang elemento sa Salug MPS ug Tampilisan MPS dali nga nga nagpahigayon ug manhunt operation didto sa Brgy. Lumbayao, lungsod sa Tampilisan mga 11:45AM niadtong nakalabayng adlaw ning tuiga.
Sa gihimong operasyon sa kapulisan malampuson nga naaresto si Joselito Hanggas Manapolio, Menyo, 39 anyos Residente sa Brgy. Pob. East, Salug.
Nasikop kini siya pinaagi sa gahum sa warrant of arrest nga ge isyo ni Judge Oscar D. Tomarong, presiding Judge sa RTC, 9th Judicial Region, Branch 28, Liloy Zamboanga del norte.
Ang maong dinakpan nag atubang kini sa kasong paglapas sa R.A 9262 ( “The Anti-Violence Against Women and their Children Act of 2004) sa section 5(1). Ilawom kini sa CC No. I-003330. Adunay ge rekomendar nga pyansa ang korte sa kantidad nga Php 60,000mil alang sa iyang temporaryong kagawasan.
Ang naaresto anaa kini sa listahan sa Salug MPS nga Top 10 most wanted person sa maong lungsod. Kasamtangan usab kini karong gibalhog sa balay bilangguan aron pasakaan ug kaso ngadto sa korte.
