Cauayan City, Isabela- Naaresto ang Top 10 PNP Regional Target List sa ilalim ng COPLAN ILAG at PDEA Region 2 City Target List matapos ang ikinasang drug buy-bust operation bandang 9:50 kaninang umaga sa Brgy. Calamagui 2nd, Ilagan City, Isabela.
Kinilala ang suspek na si Angelo Gonzales, 30-anyos, walang asawa at residente sa nasabing lugar.
Ayon sa imbestigasyon ng Ilagan City Police Station, nagpanggap na poseur buyer ang isang operatiba at napagbentahan ito ng suspek ng isnag pakete ng shabu kapalit ang P1,000 na buy-bust money.
Nakumpiska kay Gonzales ang pinaniniwalaang shabu, motorsiklo at cellphone na hinihinalang ginagamit nito sa iligal na aktibidad.
Sasampahan ng kasong paglabag sa RA 9165 o Comprehensive Dangerous Drugs Act of 2001 ang suspek na nasa kustodiya ngayon ng mga awtoridad.
