General Santos City— Dakpan sa gipahigayong buybust operation sa Police Station 7 ang top 2 most wanted sa Manhunt Charlie sa station level alas 6 pasado ang takna sa gabii sa may Blk. 5, Prk 16, Brgy. Fatima ning dakbayan.
Giila ni Police Senior Inspector Fernando Manuel Jr., hepe sa police station 7 ang suspek nga Si Jeric Bartolome, 19 anyos kung asa nakuha gikan sa posisyon niini ang usa ka sachet a gituuhang shabu ug 500 ka pesos nga marked money. Samtang dihang girikisa ang lawas niini, laing tulo ka sachet sa gituuhang shabu ang narekober.
Ang nahisgutan ang adunay standing warrant of arrest sa kasong murder kung asa una ng gipagawas ni Judge Dennis Velasco sa RTC branch 23 sa Hall Of Justice ang warrant niini.
Dugang pamahayag ni PSI Manuel nga nagalihukan sa Brgy. Apopong, Labangal, Calumpang ug Fatima ang suspek apan wala matud pa kini sa ilahang target list gumikan newly identified kini nga lambigit sa illegal nga droga.
Sa insiyal matrud pa nilang imbestigayson, natripan lang niini ang biktimang iyahang napatay gumikan sa impluwensya sa illegal nga droga.
Sa karon, balhog na sa lock up cell sa police station 7 ang suspek ug ginahikay na ang kasong pagsupak sa Sec. 5 ug 11 sa R.A 9165 samtang ginahulat ang commitment order sa kasong murder.
