Malampusong nasikop sa mga operatiba sa City Drug Enforcement Unit kon CDEU ang Top 2 sa PDEA-PNP watchlist sa Provincial ug City level category. Kini human sa gilusad nga anti-illegal drug buy bust operation niadtong Martes sa hapon diha sa sitio Paglaum, Brgy. Camaman-an ning syudad sa Cagayan de Oro.
Naila ang suspek nga 32 anyos nga si Ritchie Rey Barro alyas Archie, ulitawo nga construction worker ug residenti sa Paglaum, Brgy. Camaman-an ning syudad.
Napalitan sa usa ka sachet sa gituhoang shabu ang suspek balor 500 pesos nga maoy hinungdan sa pagka-aresto ni-ini. Atol sa pag-rekisa sa maong suspek, nakuha pa gikan ni-ini ang laing sachet sa gituhoang shabu lakip na ang 500 pesos bill nga marked money.
Matud pa ni P/Capt. Mike Dioren Cavan, ang Asst. Chief sa CDEU, ana-a sa Top 2 nga watchlist sa PDEA-PNP ang maong suspek nga migamit kini sa laing identity.
Gibana-banang motimbang sa 0.4 grams ang tanang kontrabando nga nakuha gikan sa suspek nga dunay street market value nga halos 3,000 pesos.
Detinado na ang suspek sa Maharlika Detention Cell, samtang gi-andam na ang kasong pagsupak sa R.A. 9165 nga ipasang-at ngadto sa korte.
Kasama mo sa CDEU, RadyoMaN Andy Coco, DXCC Tatak RMN!
