Mahayag, Zamboanga del Sur – Prisohan ang gitugpahan sa duha ka lalaki ug lain pang kakunsabo niini nga gitudlong suspek sa nahitabong pagpanulis sa lungsod sa Mahayag partikyular sa National Highway nga sakop sa Brgy. Kaangayan alas 11:00 niadtong nakalabay nga adlaw.
Giila ang mga nadakpan nga sila si Jason Eroy Astelliro, 23 anyos ang Top 5 high value target sa lungsod sa dumingag, sikop usab si Mat Gregor Pasandalan Sumbre 31 anyos, residente sa Bgry. San Pablo Dumingag, lakip nga naaresto ang usa ka Albert Gumatoc Ano-os.
Nasignit ang mga suspek atol sa gilusad nga follow-up operation sa kapulisan sa Lungsod sa Dumingag, Mahayag ug Molave human nakadawat og taho gikan nila si Gracewyn Jade Silva Gallego, 22 anyos empleyado sa LGU Dumingag kauban si Keanneth Jean Gallego nga samtang sakay sila sa motorsiklo byahe sa nasanpit nga lugar gidikitan sila sa laing single motor dungan ang pagdeklara og tulis diin malampusong nakuha sa mga tulisan ang duha ka cellphone ug kwarta nga mobalor sa 8mil pesos.
Gumikan kay adlawan kini nahitabo malampusong nailhan sa mga biktima ang usa sa mga suspek rason nga dali ra kining nadakpan sa kapulisan.
Ang mga dinakpan naa na sa kamot sa mga otoridad samtang gahulat sa tukmang kaso ng isang-at batok kanila diin ang usa sa mga suspek nga si Jason Astelliro nakuhaan sa calibre 38 nga pistola nga gisudlan sa tulo ka mga buhing bala.
