Nadakpan sa gipahigayong operasyon sa mga kapulisan ang gikonsiderang Top 5 Most Wanted Person sa probinsya sa kasong Rape takna alas 2:10 sa hapon adtong Biyernes didto sa Sitio Nangkaon, Barangay Kiabo, Malitbog, Bukidnon.
Giila ang suspetsado nga si Paul Labanes, alyas Popol, 35 anyos, ulitawo, mag-uuma, ug residente sa naasoy nga lugar.
Si Labanes ang gipasakaan og warrant of arrest sa mga personahe sa Malitbog Municipal Police Station, inubanan sa 16th Infantry Battalion (IB) Philippine Army (PA), ug ang Battalion Squad 2 sa kasong Rape nga nakadokit ilawom sa Criminal Case Number 22-02-7600 nga gi-issue ni Hon. Jeanne Marie Abarrientos, Presiding Judge sa Regional Trial Court, 10th Judicial Region, Branch-11, Manolo Fortich Bukidnon pinitsahan February 24, 2022 nga walay girekomendang piyansa alang sa temporaryong kagawasan.
Gibalhog na sa Malitbog Municipal Police Station ang suspetsado alang sa tokmang disposasyon.
Facebook Comments
