Alicia, Isabela – Timbog kahapon ang top 6 most wanted person, municipal level sa bayan ng Alicia, Isabela matapos na isilbi ang mandamiento de arresto ng mga otoridad.
Kinilala ang akusado na si Tucay Ariola, apatnapu’t dalawang taong gulang, may asawa, magsasaka at residente ng Brgy. Bagnos, Alicia, Isabela.
Ang pagkakaaresto kay Ariola ay sa pamamagitan ng mga elemento ng Alicia Police Station at ang warrant of arrest ay ipinalabas ni hukom Rodrigo Pascua Jr. ng MCTC Branch Ramon Isabela.
Nahaharap sa kasong Frustrated Homicide si Ariola kung saan ay makakalaya lamang ito kung makakapaglagak ng piyansa na nagkakahalaga ng tatlumpu’t anim na libong piso (Php36,000.00).
Sa ngayon ay nasa himpilan na ng Alicia Police Station ang akusado habang isinasagawa ang tamang disposisyon.
