General Santos City—Sikop sa Operatiba sa Police Station 4 ang top 7 most wanted sa ilang estasyon nga si Hernando Artigo, 51, residenti sa Promise Land, Barangay mabuhay Gensan atol sa gihimo nilang manhunt Charlie batok sa suspek.
Una nang nakadawat ug report ang kapulisan nga anaa sa Barangay Mabuhay ang suspek maong girespondihan sa lugar bitbit ang warrant of arrest sa kasong kalapasan sa RA 9165 nga giatubang niini.
Nagmalampuson hinuon ang maong operasyon nga miresulta sa pagkasikop sa suspetsado.
Si Artigo ang kanhi nang napriso sa Gensan City Reformatory Center sa kasong may kalabutan sa iligal nga droga, apan nakasuhan human nga gitudlong responsable sa pagpalusot ug illegal drugs sa Gensan City Reformatory Center niadtong mga nakalabayng tuig.
Sa karon commitment order nalang ang gihuwat sa kapulisan aron nga mabalhin na kini ngadto sa Gensan City Jail.
