Pagadian City – Gipaslak na sa Pagadian City Police Station Lock-up cell ang 39 anyos nga lalaki nga top 9 most wanted person sa probinsya sa Zamboanga del Sur human kining nadakpan sa gilusad nga joint operation sa kapulisan.
Ang operasyon gipanguluhan ni Psupt. Jeremias Pepito sa Regional Intelligence Unit 9, kauban ang opiratiba sa kapulisan ning syudad.
Malampusong nadakpan sa mga otoridad ang target nga si Roy Ito Mamaling alias ” Dodong” didto kini nadakpan sa iyang gipuy-an sa purok Esmeralda B., San Jose District ning dakbayan apan nasuta nga ang suspek lumad nga taga Brgy. Libertad, Dimataling, Zamboanga del Sur.
Wala na makalugnot ang suspek dihang gibasahan sa warrant of arrest sa kasong murder nga pinirmahan ni Judge Fedlix Rodriguez Jr. sa RTC 9th Judicial Region Branch 29.
Walay pyansa nga girekomenda ang korte bugti sa temporary nga kagawasan sa dinakpan.
