*San Manuel, Isabela-* Hawak na ng kapulisan ang Top 9 Most Wanted Person sa listahan ng bayan ng San Manuel, Isabela matapos isilbi ang Warrant of Arrest nito kaninang alas nuebe y medya ng umaga sa brgy. Villanueva, San Manuel, Isabela.
Kinilala ang natimbog na suspek na si Edison Monduc Dela Cruz, trentay dos anyos, binata at residente ng Sandiat West, San Manuel, Isabela.
Sa nakuhang impormasyon ng RMN Cauayan, inaresto ng mga kasapi ng PNP San Manuel si Dela Cruz sa bisa ng Warrant of Arrest na inihain ni hukom Bernabe Mendoza ng RTC Branch 23, Roxas, Isabela dahil sa kasong Bigong Pagpatay.
Nakapiit na sa PNP San Manuel ang suspek at pansamantalang makakalaya kung makakapaglagak ito ng kanyang piyansang nagkakahalaga ng dalawampu’t apat na libong piso (24,000.00).
