BACOLOD CITY – Ginpa blotter sang tatlo ka mga empleyado ang isa ka architect sa alegasyon nga wala ini nakabayad sang sweldo sa ila.
Nakilala ang tatlo nga sanday Jolito Batayo Sr., 46 anyos ang edad, Jolito Batayo Jr. 16 kag Jory de Jesus, 28 anyos, tanan pumuluyo sang Talisay City.
Base sa blotter entry sa Police Station 4, ang ginreklamo amo si Architect Audie Yap sang ciudad sang Bacolod.
Ginreklamo sang sining tatlo ka mga empleyado sa Police Station 4 si Yap nga wala ini nakabayad sang ila kuntani semanal nga sweldo humalin December 18 tubtub December 23, 2017.
Pahayag sang mag-amay nga Jolito kag ni Jory nga ang ila kuntani balatunon nga sweldo sa tagsa ka isa sa ila ang nagdangat pa sa kapin 7,200 pesos.
Suno sa iya nga natapos lang ang paskwa kag bag-ong tuig, wala gid nahatag ni Architect ang ila weekly salary.
Gintinghuwaan man sang dyHB nga pangitaon ang arkitekto nga ginareklamo apang tubtob subong, indi pa ini ma-locate. /dyHB BACOLOD
