Misangko sa shootout ang search warrant implementation lang unta sa mga pulis sa Purok Magsaysay, Barangay Lamba, Banga, South Cotabato human misulay og sukol sa mga pulis ang ilahang target.
Giila ni Banga Municipal Police Station Chief of Police, Major Romy CastaƱares ang namatay nga wanted person na si Allan Andatuan Abdullah.
Matod kay Major CastaƱares samtang nagpahigayon og raid ang mga pulis mibunlot og pusil si Abdullah og gipabut-han ang PNP operating team.
Nagresulta usab kini sa mubo nga engkwentro sa mga pulis og ang suspek na si Abdullah adunay igo samad pinusilan sa ubang parte sa kalawasan og dead on arrival sa South Cotabato Provincial Hospital sa Koronadal City.
Gikumpirma usab ni CastaƱares nga si Abdullah usa ka Barangay Affairs Unit Officer sa South Cotabato.
Nakuha sa mga pulis sa panimalay sa suspek ang 26 ka sachet sa gidudahang shabu nga nibalor og kapin 20 mil pesos.
Nakakumpiska sad ang mga otoridad sa balay niini og .45 pistol og .38 revolver ug mga bala sa nahisgutang mga armas.
Nasayran nga si Abdullah nga target sa search warrant operation sa mga pulis ang nalambigit matod pa sa iligal nga baligyaanay sa droga og may kaso sab kining illegal posession of firearms.
Kauban sa Banga PNP nga mi-raid sa panimalay ni Abdulla ang mga sakop sa Regional Police Drug Enforcement Unit, Regional Intelligence Unit, Regional Mobile Force Battalion 12 ug South Cotabato Police Drug Enforcement Unit.
For more infoās and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: dead_2019-07-24_20-32-34.jpg]
