Adunay temporaryong trabaho ang itanyag sa Department of Labor and Employment (DOLE) alang sa mga nawad-an ug panginabuhi-an sa pagpa-undang sa operasyon sa Small Town Lottery (STL), Peryahan ng Bayan ug Keno Lotto Express.
Kini ang gikompirma ni Chona Mantilla, regional director sa DOLE Caraga sa interview sa RMN DXBC Butuan.
Niya pa nga anaa pa sila karon sa profiling ug pag-validate sa mga pangalan sa apektadong empleyado nga gikan mismo ang listahan sa Phil. Charity Sweepstakes Office (PCSO).
Sa inisyal nga listahan mokabat sa kapin 2,000 ang apektado gikan sa Butuan City ug Agusan del Norte, kapin 400 didto sa Agusan del Sur samtang wala pa nakahatag ug listahan ang PCSO gikan sa Surigao del Norte, Surigao del Sur ug Province of Dinagat Islands.
Dili pa usab masiguru ni Dir. Mantilla kung unsang matang sa trabaho ang ilang itanyag kanila apan gipaniguru niini nga modawat unya sila ug minimum wage base sa rate ning rehiyon.
Dugang pa sa opisyal nga ang Emergency Employment Program sa DOLE molungtad lamang sulod sa 30 hangtud 90 ka adlaw.
[image: sto close.jpg]
