General Santos City—Human matangal sa eksina ang mga kapolisan sa drug on war ni pangulong Rodrigo Duterte sa pagkakaron ang paggukod sa mga riding in tandem criminals na usab ang prayoridad sa kapulisan sa region 12.
Kini base sa gipagulang mandu ni Police Regional Director Police Chief Supt. Cidrick Train ngadto sa tanang mga kwerpo sa kapulisan tibuyok region 12. Subay sa mando mamahimong tutukan sa pagresolba sa kapolisan ang mga krimen nga nahitabo sa ilahang matag ginasakopan.
Kahibaluan nga paspas ang pagtaas karon sa kaso sa pagpamusil nga sagad kahimuan sa mga riding in tandem criminals sa Socksargen region kung asa dinhi lamang sa General Santos misaka na sa 66 ang gipang patay sa pagsulod lamang sa tuig 2017 kung asa halos wala pay naresolba ang kapulisan niini.
Pinakauwahing pagpamusil patay sa mga riding in tandem criminals ang mga myembro na sa Philippine National Police kung asa sa South Cotabato PNP tulo na ka mga pulis ang gipang pusil sa mga riding in tandem criminals nga silang SP01 Lope Prado, Police Senior Inspector Herman Gabat ang depurty Station Commander sa Polomolok PNP og Police Officer 2 Livi sa Surallah PNP kung asa giatngan og gipsuil patay sa Tupi South Cotabato. Sa Gensan gipusil patay usab sa mga riding in tandem criminals si P02 Botchoco ang chief Intelligence operative sa Tambler PNP.
Apan hangtod karon wala pay kasolbaran ang maong mga pagpamatay sa mga nakamotorsiklo. Pamatuod niini nga pagsiaw sa mga riding in tandem criminals ang usa sa mga rason nganung mupahigayon usab og imbestigasyon ang Sangguniang Panlungsod sa Gensan karong umaabot nga Nobyembre aron matuldokan na ang sunod sunod nga pagpamusil patay sa mga riding in tandem og makamugna og mga balaudnon nga makatabang sa kapulisan. (Emir Bariquit)
