Davao City – Gi-discourage karon sa kanhi pangulo sa Davao City Chamber of Commerce and Industries, Incorporated (DCCCI) ang publiko sa pagbubo og investment nga nagtanyag og dakung interest sa ilang capital.
Sumala ni Chamber President Tony Dela Cruz, walay financial institution nga muhatag og dakung interest gikan sa capital nga na-invest sanglit siguradong mayabo ang kumpanya nga adunay susama nga scheme.
Dugang ni Dela Cruz nga usa ka matang sa pagpangilad kun scam ang paghatag og dakung interest ngadto sa mga madani kay bisan gani ang mga bangko dili man gyud kaayo daku ang sagad gitanyag nila sa tibuok tuig.
Gidasig ni Dela Cruz ang katawhan nga dili magpahaylo sa tam-is nga pasalig inay mas maayo kung mag-invest sa lehitimo nga investment institutions sama sa bangko aron dili ma-water ang ilang salapi.
Dugang tambag ni Dela Cruz ngadto sa katawhan nga mahilig mobutang og investment ug nag-apas sa dakung interest nga magpasakop na lamang sa kooperatiba kay segurado pa ang kitaon nila sa matag tuig.
RadyoMaN Joel Viray
