Aminado ang Traffic Management Center kon TMC Malaybalay nga aduna gayoy traffic congestion o pagkapiot sa dagan sa trapiko sa siyudad.
Sa interview sa RMN ngadto kang TMC Head Joseph Jabla, gibutyag niini nga aduna gayoy pag-congest sa dagan sa trapiko sa nag-unang kadalanan sa dakbayan sa Malaybalay.
Matud ni Jabla tungod kini sa gihimong pagrepair sa lubak-lubak nga dalan sa landing area sa Casisang-Sumpong Diversion road. Tungod niini didto na sa Sayre Highway gipa-agi ang mga dagkong sakyanan paingon sa north bound o direksiyon paingon sa Cagayan de Oro City.
Samtang ang paingon sa South bound mao lamang ang gipa-agi sa diversion road.
Dili usab matubag sa TMC kung kanus-a mahuman ang pag-construct sa dalan tungod kay ilawom sa pagmando sa City Engineering Office ang kontraktor nga nagtrabaho sa mao nga dapit.
Dismayado usab si Jabla tungod kay hangtod karon wala pa nahuman sa pagtrabaho sa kontraktor nga kabalo man unta kini nga adunay umaabot nga dkaong kalihukan.
Nagpadungog-dungo usab kini ngadto sa ang kontraktor nga kung dili pa mahuman ila using undangan aron subling maka-agi ang dagkong sakyanan sa diversion road.
