‘Traffic congestion’ tutukan sa 19th City Council

26

Davao City – Solusyon sa nagkagrabeng dagan sa trapiko sa syudad sa Davao ang tutukan sa 19th City Council nga magsugod sa Hulyo 1, 2019.

Sumala ni 2nd District Councilor-elect Danilo Dayanghirang, himuon nilang prayoridad ang bag-ong traffic ordinace alang sa re-routing scheme dinhi sa syudad.


Hinaot niini nga ablihan sa mga pribadong subdibisyon ang ilang mga gates alang sa mga pampublikong behikulo tumong nga moluag gamay ang dagan sa trapiko sa sentro.

Dugang ni Dayanghirang nga ila usab subling bisitahon ang giproposar nga North ug South terminal aron usab ma-decongest ang nagasulod-gawas nga mga utility vehicles diin ibutang kini sa Panacan ug sa Toril area.

Una pa man ang ilang Oath-taking sa Hunyo 30, 2019, saysay ni Dayanghirang nga i-agi pa nila og hugot nga diskusyon kung kinsa ang mamahimong Majority Floor Leader, Assistant Floor leader, Commttee Heads ingon man ibutang nga ang Speaker on Pro Tempore ilabi na nga ang neophyte sa politika nga si Davao City Vice Mayor-elect Sebastian Duterte na ang mohulip ni presenteng Vice Mayor Bernard Al-ag.

Samtang gihatagan usab niini og gradong 9 out of 10 si Al-ag gumikan sa fast tracking niini sa paghimo og mga ordinansa ug gradong 9.2 out of 10 alang sa 18 City Council gumikan sa mga napasa niining mga balaud nga nakapamaayo sa syudad.

RadyoMaN Jason Amisola

Facebook Comments

From Advertisers