BACOLOD CITY – Isa ka traffic enforcer sang Bacolod Traffic Authority Office ukon BTAO ang nasumbagan sang isa ka motorcycle rider kahapon sang aga ( while on duty ) sa dalan Rizal Gatuslao Streets, Brgy. 11, Bacolod City.
Nakilala ang biktima nga si Pio Alberto Fuentebella, 46 anyos ang edad kag isa ka deputized nga traffic enforcer sang BTAO.
Suno kay Fuentebella, may mga las 10:45 kahapon sang aga sa amo nga lugar, iya sini ginpa-pundo ang isa ka lalaki nga naga-dala sang skeleton type nga motor nga wala sang plate number.
Ginpangitaan sang papeles sang traffic enforcer ang driver sang amo nga motor apang imbes dokumento, inumol ang ginhatag sang suspek kag gilayon nga nagpalagyo bilin ang iya motor.
Nag-angkon sang samad ang enforcer bangud natumba gid ini sang ginsumbag sang driver kon diin nagapati ang biktima nga may armas pa ang amo nga lalaki.
Sa karon naka impound na ang motor sa Police Station 1./File photo
