Gikonsidera sa City Traffic Management Center kon CTMC-Valencia nga dakong tabang sa problema sa dagan sa trapiko ang mga traffic lights sa siyudad.
Sa interview sa RMN ngadto kang Capt. Alejandro Laroza, ang hepe sa CTMC gibutyag ninii nga makatabang kini sa hapsay nga pagpadagan sa mga sakyanan, ug makontrolar ang gidaghanon sa mga sakyanan sa gitakda nga mga gutlo ug mahimo na unya daw nga confident o masaligon ang mga drayber sa sakyanan.
Aminado usab si Laroza nga adunay pay daghang adjustment ang ilang pagahimoon ilabina nga adunay pay pipila ka mga draybers ang wala pa na suweto sa patakaran sa traffic lights.
Tungod matud pa ninii, mas pahugtan pa sa CTMC ang education campaign nga ilang pagahimoon.
Samtang sa interview sa RMN ngadto kang Juntele Goc-ong ang hepe sa Land Transportation Office kon LTO-Valencia gibutyag ninii nga dakong tabang ang mga traffic lights sa traffic congestion sa dakbayan.
Tungod matud pa sa mao nga kahimanan, rain or shine kini nga magamit ug kanunay nga makontrolar ang dagan sa mao nga siyudad.
Gidugang pa ninii nga nindot ang mao nga traffic signals tungod kay modern ug digital kini nga susama sa gigamit sa mga dagkong siyudad sa nasud.
Makita usab daw ang mga musupak ninii tungod kay adunay nakakabit nga CCTV ug makita sa command center nga ibutang sa bag-ong terminal nga duol ra usab sa buhatan sa LTO.
