Gin-turn-over na sang Metro Manila Development Authority-MMDA ang Traffic Master Plan para sa syudad sang Bacolod.
Duha ka volumes (libro) nga traffic master plan ang gin-hatag na ni MMDA Chairman Gen. Danilo Lim kay Bacolod Mayor Bing Leonardia nagligad nga semana sa MMDA Headquarters sa Manila.
Lakip sa mga recommendations sang MMDA para sa trapiko sang syudad sang Bacolod amo ang moderno nga ‘traffic signalization system sa diin lakip diri ang traffic lights para sa motorista kag pedestrian, pavement markings and signage kag CCTV Monitors nga may Artificial Intelligence (AI) nga naka-angot naman sa Command Centers.
Nahibalu-an nga ang Metro Bacolod ang may 212 ka nga intersections sa diin 36 diri ang ‘crucial’ nga gina-agyan sang mga salakyan.
Suno kay city development council vice chairman – George Zulueta nga ila iga-prioritize ang pagbag-o sang traffic system sa dalan Lacson halin sa Bata padulong sa Magsaysay sa diin dapat ini ang ‘coordinated’ kag may yara sang gina-sunod nga sistema.
Gin-cite man sang MMDA nga may yara sang kumpleto nga traffic ordinance ang Bacolod apang INDI lang estrikto ang pag-implement sini kag tuman ka gamay sang corresponding penalties.
Suno sa MMDA nga dapat man magapadayon ang training kag education sang mga traffic enforcers sang BTAO.
Ang traffic signalization system nga gina-propose sa Bacolod ang nagakinahanglan sang initial nga budget nga kapin sa syen milyones pesos (100,000,000) sa diin iga-present pa ini kag pa-aprubhan sa City Development Council – CDC kag Bacolod City Council.
Madumduman nga sadtung 2018, nagpadulong ang mga traffic engineers kag traffic experts sang MMDA sa Bacolod kag nagapatigayon sang duwa ka semana nga traffic master plan.
