Maga-sugod na subong nga adlaw ang traffic re-routing sa mga Southbound nga jeep.
Ang traffic experiment ang magalawig sang 45 tutbob 60 dias sa lakip sa mga participating routes amo ang Punta Taytay, Sum-ag, Tangub, Singcang-Airport kag Magsungay.
Suno kay BTAO Chief – Police Lt. Col. Luicito Acebuche nga na-delay ang pagpatuman sang bag-o nga traffic scheme sa diin nagpatigayon pa sang clearing operations ang City Legal Office sa Ferrero Street (Manokan Country) nga amo ang posible maga-gutok nga area sa ti-on nga e-implement ang traffic re-routing.
Paathag ni Acebuche nga tinutuyo sang sini nga traffic experiment nga mag-sulod ang mga southbound nga jeep sa Public Transport Terminal nga yara naman sa tupad sang Bacolod Vendors’ Plaza sa Reclamation Area.
Ang mga southbound PUJ pag-abot sa downtown area, halin sa Gatuslao-Rizal Streets, ini sila ang maga-dulhog rekta sa South Capitol Road, maga-left naman sa Ayala Malls, left turn to San Juan Street, then right turn to Burgos Street padulong na sa going to the Public Transport Terminal.
Ang Ferrero Street nga sa karon 2-way ang mahimo naman nga one-way kag hugot man nga ipatuman ang NO PARKING POLICY sa tabok nga dalan sang Manokan Country sumugod karon nga adlaw.
