General Santos City– nagpabilin pa sa ospital ang duha ka mga biktimang naangol sa nahitabong pag balintong sa usa ka trailer truck sa National Highway sakop sa Prk Lower Riverside, Matin-ao, Polomolok, South Cotabato alas 2:00 pasado ang takna sa buntag, July, 11, 2017 .
Mga biktima nailhang silang si Freddy Sencio, 26, Driver sa Trailer Truck ug Reynaldo Sencio, legal age, Helper, pulos residenti sa Butuan City.
Sa pahayag ni Police Sr. Inspector Hernan Gabat, Deputy Chief Of Police sa Polomolok Police Station nasuta nga gikan ang mga biktima sa Butuan City sakay sa Isuzu Trailer truck nga nagtangag ug Plate no. LYJ-674 padulong unta sa Maguindanao apan pag abot sa National Highway sa Polomolok nahitabo ang pagbalintong human nga kalitkalit lang gitamakan sa driver ang brake sa maong sakyanan.
Tungod sa impact nabuwag gyud ang ulo sa sakyanan ngadto sa ubang parti niini nga miresulta sa pagkaangol sa duha ka mga sakay.
Paspas na gipangdala sa balayu tambalanan dinhi sa Gensan ang duruha ug luwas na karon sa makuyaw nga kahimtang.
Gikabutyag nga nakaapekto usab sa dagan sa maong sakyanan ang kadangog sa dalan gumikan sa pagbundak sa ulan sa maong lugar.
Sa karon padayon pa ang gihimong imbistigasyon sa Polomolok PNP kalabutan sa insidenti.
