Cauayan City — Isinagawa ng Technical Education and Skills Development Authority (TESDA) Isabela School of Arts and Trades (ISAT) ang Training Induction Program (TIP) para sa mga bagong enrollees ng Driving NC II at Cookery NC II noong Mayo 19, 2025.
Layunin ng TIP na bigyan ng comprehensive orientation ang mga trainees hinggil sa mga patakaran ng TESDA, pamantayan ng programa, at kanilang mga responsibilidad habang isinasagawa ang pagsasanay.
Tinalakay sa programa ang Training Delivery Plan, mga alituntunin ng institusyon, karapatan at tungkulin ng trainees, TESDA Citizen’s Charter, Recognition of Prior Learning, at Supervised Industry Learning.
Ipinakilala ng mga trainer ang training flow at binigyang-diin ang learner-centered at hands-on na pamamaraan ng pagtuturo sa nasabing mga kurso.
