iFM Laoag – Itultuloy ti National Grid Corporation of the Philippines (NGCP) – Region I ti panangisayangkatda ti training kadagiti lineman nangnangruna kadagiti agigiggem iti nangato a boltahe ti kuryente.
Daytoy ti impakaammo ni Ms. Melma Batario, Regional Communications Officer iti NGCP Region I. Innayunna a babaen iti daytoy a panagsanay ket maliklikan dagiti aksidente kas iti pannakakuryente, pannakatinnag ken dadduma pay.
Nagpalagip met ni Batario kadagiti publiko a masapol a liklikanda dagiti poste ti NGCP ken INEC (Ilocos Norte Electric Cooperative) tapnu maiyadayu iti risgo kas iti pannakatumba dagitoy gubuay iti bagyo ken dagiti saan a mapakpakadaan a didigra.
Nu pay kasta, impasiguradona met a plano ti NGCP a mangiyakar kadagiti tower’da a naipan kadagiti karayan ken asideg ti kalsada a posible a mangitunda ti disgrasia.
Nu kas bilang ta adda dagiti illegal nga aktibidad ken pasamak kadagiti linya ti NGCP mabalinda a matawagan iti contact numbersda: 0917-845-9055 / 0917-847-6427 / 0918-847-6427.
Bernard Ver, RMN News
